The Gospel of Sri Ramakrishna చాలా చిన్న అక్షరాలతో ప్రచురించబడిన పెద్ద పుస్తకం.ఒక సారి పూర్తిగా చదివాను.అయినా అప్పుడప్పుడూ చదువుతూనే ఉంటాను.ఎంత సూటిగా,సరళంగా ఎటువంటి ఆడంబరత ,సంకోచం లేకుండా పైనుంచి కిందపడే వర్షపు చుక్కల్లా ఉంటాయి రామకృష్ణుని మాటలు. నరేంద్రుని తో ఒక చోట అంటారు." విలువైనది ఏది పొందాలన్నా పై పైన వెతికితే ఏం లాభం..ఎన్ని జన్మలు వెతుకుతావు అలా..నీకు ముత్యాలు కావాలంటే సాగరగర్భంలోకి పోయి శోధించు..ఒడ్డుమీద ఇసుకలో వెతికితే ఏం లాభం..!నేనే గనక త్రాగుబోతు నయితే కిందపడే వరకూ త్రాగుతా..అలా కానప్పుడు నీళ్ళు త్రాగడమే మంచిది గదా..! ఏ విషయాన్నయినా పై పైన చూస్తున్నంతకాలం దాని గురించి ఏ జ్ఞానం పొందుతావు..ఏదో ఒక విషయం కొరకు శోధిస్తూ నీ తనువు రాలిపోయినా పరవాలేదు..దానివల్ల నీకే కాదు ప్రపంచానికి మేలు చేకూరుతుంది."
నా మటుకు నేను ఇది పఠనం విషయం లో అన్వయించుకున్నాను.మొదట్లో ప్రారంభించినపుడు ఎన్నో పుస్తకాలు చదివేవాడిని.తీరా చూస్తే చెప్పుకోవడానికి తప్ప దీనిలో సారం ఏమి అర్ధం అయింది నాకు అని ప్రశ్నించుకునేవాణ్ణి.అలా ఆ మహానుభావుల వాక్యాలు నా లోలోపల ఎన్నో కాంతుల్ని వెలిగించినవి.అవి సాధ్యమైనత ఆచరించి చూపడమే మన నివాళి తప్ప ఊరికే వల్లే వేసుకోవడానికి కాదు అనిపిస్తుంది.
నా మటుకు నేను ఇది పఠనం విషయం లో అన్వయించుకున్నాను.మొదట్లో ప్రారంభించినపుడు ఎన్నో పుస్తకాలు చదివేవాడిని.తీరా చూస్తే చెప్పుకోవడానికి తప్ప దీనిలో సారం ఏమి అర్ధం అయింది నాకు అని ప్రశ్నించుకునేవాణ్ణి.అలా ఆ మహానుభావుల వాక్యాలు నా లోలోపల ఎన్నో కాంతుల్ని వెలిగించినవి.అవి సాధ్యమైనత ఆచరించి చూపడమే మన నివాళి తప్ప ఊరికే వల్లే వేసుకోవడానికి కాదు అనిపిస్తుంది.
No comments:
Post a Comment